Skoða bók
Bartleby skrifari
Melville, Herman, 1819-1891 Rúnar Helgi Vignisson
02:40 klst.
2017
"Ég kýs það síður", segir Bartleby skrifari hvað eftir annað í þessari sögu. Hann hefur ráðið sig til starfa á lögmannsstofu á Wall Street og þetta tilsvar hans hrindir af stað atburðarás sem er í senn skondin og sorgleg. Um leið vekur hún grundvallarspurningar um samskipti manna, spurningar sem þó fást engin endanleg svör við. Sagan hefur einnig verið einnig rædd sem skáldleg yfirlýsing um borgaralega óhlýðni andspænis ofurvaldi samfélags sem stjórnast af lögmálum Wall Street. Sagan af Bartleby kom fyrst út árið 1853 og er ásamt Moby Dick lífseigasta verk Hermans Melvilles. Hún telst lykilsaga í þróun smásagnaformsins vegna þess að þar koma fram persónur sem líkjast raunverulegu fólki en áður líktust sögupersónur gjarnan goðsagnaverum. Sagan birtist hér með eftirmála þýðandans, Rúnars Helga Vignissonar, þar sem hann fjallar bæði um söguna og þýðinguna. Einnig fylgja ýmis umhugsunarefni fyrir lesandann sem nýst gætu við kennslu í ensku, bókmenntum og ritlist.
Bandarískar bókmenntir Smásögur Þýðingar úr ensku Þýðingarfræði
