Skoða bók

Innanríkið : Alexíus

Bragi Ólafsson  

Pétur Eggerz  

05:50 klst.  

2024  

Í þessari bók sýnir Bragi Ólafsson á sér nýja hlið sem höfundur, og beinir athyglinni að því sem ekki telst endilega vera skáldskapur. Faðir höfundar vaknar eina nótt við að ókunnugur maður stendur í svefnherbergisdyrunum á heimili hans við Skólavörðustíg. Aldarfjórðungi síðar rifjar sonurinn upp þessa reynslu föðurins, og styðst við heimildir sem óvænt tengdust atvikinu. Samhliða því fer hann á stefnulaust flakk um fortíð og nútíð, frá miðbæ Reykjavíkur upp á Mýrar og út í heim, með viðkomu í hugarheimi annarra höfunda. Fjöldi ljósmynda prýðir bókina. Bragi Ólafsson er fæddur í Reykjavík árið 1962. Á tæpum fjórum áratugum hefur hann sent frá sér hátt í þrjátíu bækur, jafnt ljóð, smásögur og skáldsögur, og einnig fengist við leikritaskrif og þýðingar. Um árabil starfaði hann sem tónlistarmaður, meðal annars með hljómsveitunum Purrkur Pillnikk og Sykurmolarnir, og hefur frá árinu 1986 verið félagi í útgáfufyrirtækinu Smekkleysu, sem hefur haft víðtæk og djúp áhrif í menningarlíf landsins.  

Bragi Ólafsson, 1962 Endurminningar Rithöfundar Skáldævisögur Íslenskar bókmenntir